tapos ang bakasyon [part 1]

may nakalimutan nga pala akong banggitin dun sa 'hatid ng aking bigating long-term memory part 5'...nung pumunta kami sa kamayan, kumain nga kami ng sushi. cyempre, may chopsticks. tapos sabi ni dadi, mas magaling pala akong mag-chopsticks kaysa kay mami. wahaha. wala lang.

june 14 [ulit]. sunday. mga 4:30pm kami umalis ng bahay nina ate kitel, mami, at dadi. lahat ng mga damit at school stuff ko, nakalagay sa isang napakalaking maleta. ung pang-abroad. wahaha. mukhang next year pa ulit ako uuwi ng bahay. XD nag-ayos kami ng mga gamit sa condo. pag-alis nina mami at dadi, aircon at laptop na agad kami ni ate kitel. wahaha. paradise. dito rin kami sa master's bedroom natulog nang magkatabi sa kama kahit na may sariling kama si ate kitel sa kabilang kwarto. para raw may kasama ako. [aww. ang sweet naman...pero kami rin naman ang magkatabi kahit sa kwarto namin sa bahay eh. :P ]

june 15. monday. 1st day of classes. daily routine ko na ang paggising ng 5 am, pag-aayos ng school stuff, pagligo, pagluluto at pagkain ng agahan, at pagco-commute sa kungsaanman. sa buong 1st week, hinatid ako ni ate kitel sa upm. hindi kami naligaw. duh. wahaha. wala naman masyadong aksyon nung 1st day. dalawang klase lang naman ang pinasukan ko: histo at math. prof namin sa histo si sir arnold esguerra. ang masasabi ko lang, sobrang dami naming natutunan sa kanya. nakaka-information overload. tapos, tuwing may mahabang break sa umaga, cyempre hindi pa bukas ang rob kaya sa medcaf na lang kaming lahat tumatambay. teacher naman namin sa math si sir mong. pagkatapos ng math, dahil may program sa upd para sa mga oblation scholars, umalis na kami anna, patti, vince, jio, jereel, billy, jasper, at manzo. nakisabay kami ni patti kay anna. ang aga naming nakarating sa qc. naglunch muna kami sa jolibee philcoa saka lang pumunta sa executive house. kaming tatlo + nanay ni amag ang unang-unang dumating dun. haay...antagal na talaga since huli akong nakapunta sa executive house. as in soooobrang tagal na...nung bday ni alaya nung elem days pa. hehe. so un. marami pang ibang dumating. on time naman yata nagsimula. isang table ang para sa pisay girls at isa pang table para sa pisay guys. hehe. magkakasama kaming lahat. may talkies tungkol sa statistics ng mga nakaka-avail ng scholarship. karamihan, galing sa science high schools. meron ding by birth year, birth month, at zodiac sign din! bwahaha! basta. maraming numbers. :P nag-speech si patti saka ung tatay ni vince. may awarding ng maliliit na certificates galing kay president roman...cyempre, may pictures. kasama ko si mami, pres. roman, at chancellor ramon arcadio sa pic. hehe. gusto ko ngang makita ung pic sa up newsletter. cyempre, may kainan din. [pero wala nang crispy spinach na kinain namin nung bday ni alaya. hehehe] pagkatapos kumain, naghiwa-hiwalay na ulit. kay patti naman ako sumabay papunta sa manila. kasama namin ung parents niya saka mga kapatid. sumabay din sa amin sina ram, anna. at bumalik na kami sa manila. the end.

part 2 na. pero mas nauna ko ung i-post kaysa dito. hehe. part 3 sometime this week. i hope. pero para sa pinaka-recent updates [yakk. parang balita ha...], plurk na lang. http://plurk.com/kesiburesi. :D

tapos ang bakasyon [part 2]

oo. wala pang part 1. nasa laptop ko un na nasa condo pa. wala pa akong blog post tungkol sa mga oras na hindi na bakasyon...may pasok na. wahaha. tapos na ang kalahati ng 1st sem. tapos na ang 1st quarter ng mga highschool at elem. tapos, eto ako. magkukuwento sa 1st day week month monthS of classes. banzai!

[ung mga italicized, uhh...narration? hehe. ung hindi, normal blog post. :D ]

aug 11, 9:15 am
gah. 'di na talaga ako nakakablog. palaging nadedelay. masarap manood ng tv, magplurk at magneopets, o kaya naman kumain. hehe. kaya ngayon, 10:30 pa naman ang math. magsusulat na lang muna ako dito sa small notebook. weehee. hmm...natype ko na yata hanggang sa oblation stuff. simulan na lang natin sa welcoming ceremonies.

---------------------------------------

june 16: 8 am pa ang freshmen welcoming ceremonies. hindi ko kailangang gumising nang maaga para sa isang 7 am pe class. wear red daw [kahit sa mga kaklase ko lang ito nabalitaan]. nagmeet kami sa university lib. magkakasama ang mga magkaka-block. umuulan pa nun. nakita namin si elijah. mas matangkad na cya. :P lagpas 9 na yata kami naglakad papunta sa fleur de lis auditorium ng st. paul. bawal ang bottled water sa loob. huhuhu. anyway, umupo kaming mga imed sa bandang harapan, right side kung nakaharap sa stage. andun ung medchoir sa orchestra pit. andun si ate kitel. hehe. nagsimula ang programa sa isang misa. cyempre, kumanta ang medchoir. malamang. bakit naman sila andun kung 'di naman sila kakanta 'di ba? kumanta rin dun si dean montet. woohoo! college of music! natawa lang ako nung nagulat ung mga katabi kong dean pala cya sa upd. :)) pagkatapos ng mass, ayun. may program. board of regents stuff. may mga orgs...kumanta, nagsayaw, blah blah. may rally. at cyempre, ang most memorable part...ung pag-introduce sa mga oblation scholars ng upm. imed lahat. woohoo! parang mas masaya 'to kaysa dun sa oblation thing nung june 15. mas maraming tagapalakpak. mas malaki rin ung certificate. hehe. matapos ang program, naglabasan na ang lahat ng freshies. nakared karamihan :)) ang weird tuloy. para kaming kultong naka-red. nagpuntahan ang karamihan sa rob para maglunch. punung-puno ang mga kainan ng mga nakared. wahaha. magkakasama kami nina patti, mj, jer, clint, at niko na naghanap ng lugar na may space pa. nagpunta kami sa 4th floor. punung-puno na ang usual kainan [mcdo, jolibee, foodcourt]. haaaay...nakiupo na lang kami sa noodleboy. tapos nakita ni patti na may space pa sa kidomanga. doon na kami kumain. takoyaki! ansarap ng takoyaki dun! compared naman sa takoyaki ng ever na puro gulay lang ang laman diba? pero ok din naman ang takoyaki ng upd. with real tako tulad ng sa kidomanga! maraming beses napaso ang dila ko. nakaka-conscious isubo nang buo ang malaking takoyaki. kung kakagat lang naman ng kapiraso, magkakadurug-durog na. edi lalong mahirap kainin. matapos kumain [at magkainggitan sa crepe... :P ] , hindi naman kami nagmadaling bumalik. malay ba naming may upcm welcoming ceremonies pa. pagdating namin sa bslr, ubos na ung mga upuan. dun na lang kami umupo sa may paanan ng nga officials ng college of medicine sa buong program. ayun. program, bleh bluh. may awarding ng mge research projects, saka ng mga top 1 ng bawat batch. go kuya tristan buddy! adik ka. 1.0something ung GWA niya. woah! adik! kaya proud akong maging buddy mo ^^ [kahit asa pa akong maka 1.0 na gwa]. pagkatapos ng talkies, up naming mahal. yebah! naaalala ko pa. malamang. kinakanta din naman sa cherubs un. isa pa, upis -kid-ish ako. labo. hehe. anyway, sabi nung officials sa likod namin, "ok lang yan. matututunan niyo rin yan". oh sure. alam ko na po. i've been singin it since i was 6. :D sabay na kaming umuwi ni ate kitel. malamang hindi kami naligaw. hehe. pero ibang route ung dinaanan namin. hindi na kami naglakad papuntang taft para sumakay ng jeep. ewan ko. 'di ko na maalala kung ano'ng nangyari sa biyahe pauwi.

-------------------------
woah. page 5 na ako ng small notebook...
-------------------------

june 17: hinatid ulit ako ni ate kitel. papunta kami sa paz men nun...nstp...talkies lang un for an hour or so. may "interview" din nun. kagroup ko sina jer at allie...tungkol sa imed experiences so far...pagkatapos nun, paglabas na nstp room sa paz men, sinalubong kami ng ilang 2015 people. mag-buddy date daw kami. aun. nag-bussy sate kami sa wham! burgers. magkakasama kami ng aking buddy na si kuya tristan at grand buddy na si ate carla. kasama rin namin si kuya gab [pero hindi kasama si allie], mj at ate honey, jio & buddy, shah & ate mae & grandbuddy, at alexeis & buddy [?]. ack. sorry. nakalimutan ko na ung mga pangalan at kung sinu-sino ung sumama. binigay na rin nga pala sa akin ni kuya tristan ung buddy stuff part 1. hehe. buddy bonding session lang nun...

---------------------------
to be cont'd. malapit nang magmath. 10:19 am

Aug 14, 2009, 10:57 am
wala pa rin si sir mong. half the time na. dapat walkout na kaninang 10:50 diba? 1/3 rule diba? [hindi 1/3 rule ng pisay...1/3 rule ng up] anyway, eto na naman. when boredom strikes, "blog" na naman. sana matype ko rin 'to sometime soon [yebah! tina-type ko ngaun!]. yuck. conyo. basta. itutuloy ko na lang ang aking "previous post"
-------------------------

june 17 [cont'd]: habang kumakain kami sa wham, meron q&a portion. hehe. antagal namin dun sa rob. sobrang nagmadali kaming mga 2016 para sa ipc. wala palang ipc kaya kinuha na lang namin ung id namin sa our. tapos, nagpacountersign kami nina patti at jill sa medlib. pumunta rin kami sa calderon para makabili ng lanyard. grabe. ambabaw ng vocab ko. nun ko lang analaman ang salitang "lanyard". id sling kasi ang tawag ko dun. pa-lanyard-lanyard pa. >< naligaw ako pauwi. mag-isa lang kasi ako nun. aww. ito kasi ang instruction ni ate kitel:

"sakay ka ng kahit anong jeep except dakota. tapos baba kang v. cruz, sa may condo na may starbucks sa right at jbee sa left." gah. ocampo un...hindi vito cruz... "tawid ka, lakad hanggang bpi." cyempre, malay ko ba kung ano ung tatawiran, taft o ocampo? tapos, may bpi pala sa starbucks side AT sa jollibee side. come on! dun ako napunta sa starbucks side. anlayo ng nilakbay ko dala ang mabigat na bag ng buddy stuff. tanung-tanong na lang ulit. sa layo ng nilakad ko, kinailangan ko pang magjeep pabalik ng taft >< tapos, pumunta na ako sa jollibee side. taft pala ang kailangang tawirin. may bpi sa jollibee side! hurrah! "sakay ng jeep. baba sa espiritu st. sa may zeus. tapos, lakarin mo na diretso. makikita mo na ung bakery." ignore latter part. sumakay lang ako ng jeep at nag-abang ng bakery sa right side. bakery, bakery, nasan ka na? hanggang sa mapunta na ako sa "road to makati". quirino hiway yata un. wahehe. nagjeep pa ako pabalik sa espiritu nung napansin kong may island na sa gitna ng kalsada. at un. nakita ko ung bakery sa right side! hurrah! alam ko na kung ano ung gagawin galing dun. ignore na lang ung mga sumunod na instructions. 'di na ako naligaw. home sweet home! hurrah! yippeedoo!

-----------------------------------
aug. 14, 11:39 am
kom na. masaya naman ako sa results ng math depex. 66.5/75? not ba. :D hinihintay namin dito sa cas lib si maam joson. dito na kami magk-kom.
-----------------------------------

june 18: 1st time kong ma-late sa klase! magkasabay kami ni ate kitel sa pagsakay ng jeep. pero...sa pedro gil cya bumaba! oh no! kaya un. panic na ako nung bumaba na cya. sa faura pa ako. 'di ko talaga alam kung saan ako bababa nun. hindi ko makita ang taft! nasa leon guinto lang pala ako... :)) sa sobrang panic ko nung hindi ko talaga alam ang daang tinatahak ng jeep, bumaba na lang ako at nagtanung-tanong sa mga side vendors. sumakay pa ako ng faura jeep para makapunta sa rh kahit na dalawang kanto lang pala ang layo ko dun. wahehe. ayun. late ako sa histo. nung araw na un ung unang araw ko ng kom at philo. teacher namin sa kom si maam joson. fun. :) nung, philo, hindi agad dumating ang teacher na, ayon sa philo syllabus, mr. ignatius vinzons ang pangalan. hanep. nonexistent pa ang mga cr sa gab nun. na-late pa kami ni patti sa philo. strike 2! sir tius pala ang tawag kay mr. ignatius vinzons. maraming piercings, maraming kuwento, at maraming growth hormone...este...matangkad pala. :P 2:30 natapos ang philo. lakad hanggang taft. jeep papuntang jbee-starbucks, TAWID NG TAFT, at sakay ng jeep sa bpi sa jbee side. yes naman. improving ang aking commuting skills. kaso, napunta na naman ako sa quirino hiway kasi inabangan ko pa rin ung bakery sa right side. alam ko, dian muna ang dadaanan tapos malapit na ang espiritu. nagjeep pa ulit ako pabalik sa espiritu para makauwi sa condo = home #2. saka lang sinabi sa akin ni ate kitel na wala akong maaabangang espiritu st. sa right side kasi nasa left un ng zobel roxas kung saan dumadaan ung jeep. nasa left ung zeus. sa kabilang kanto pa pala ung bakery na palagi kong inaabangan. nalaman ko ring papunta sa faura, babalik pa sa taft ung jeep galing sa leon guinto tapos faura na. tapos, alphabetically arranged pala ung streets ng zobel roxas! a__, __, b__, __, conchu, __, dian, __, ESPIRITU! woah. ganun lang pala un. kaya the next day, last day ng 1st week of classes...

june 19: 'di na ako naligaw sa pagco-commute papunta sa upm at pabalik sa condo! banzai! onga pala. nag-block lunch kami sa medcaf. korni. basta, hindi ko na kinailangang magpakahirap nang matagal sa pagbibitbit ng buddy stuff kasi nga hindi na talaga ako naligaw. hindi na ako napunta sa quirino hiway!!!

to be continued na lang...tapos na ako sa 1st week! yehey! parts 1&3 up next :D